बझाङ भूकम्पः घाइतेको उपचार खर्च सुदूरपश्चिम प्रदेश सरकारले बेहोर्ने
२०८०, १७ आश्विन बुधबार १५:५० मा प्रकाशित
30
Shares
जनस्वास्थ्य सरोकार, कैलाली। बझाङ केन्द्रबिन्दु भएर हिजो गएको भूकम्पमा परी घाइते भएकाहरूको उपचार सुदूरपश्चिम प्रदेश सरकारले गर्ने भएको छ ।
मुख्यमन्त्री कार्यालयमा बुधबार भएको छलफलमा मुख्यमन्त्री कमल शाहले घाइतेहरुको सम्पूर्ण उपचार खर्च प्रदेश सरकारले ब्यहोर्ने जानकारी दिनुभयो ।
भूकम्पका कारण २७ जना घाइते भएका छन् । भूकम्पबाट सबैभन्दा बढी क्षति बझाङमा भएको छ । बझाङमा एक जना बेपत्ता छन् भने १८ जना घाइते भएका छन् ।
अछाममा पाँच जना तथा बैतडी र बाजुरामा २/२ जना घाइते भएको सुदूरपश्चिमको आन्तरिक मामिला मन्त्रालयले जनाएको छ ।
