औषधि विज्ञ प्रज्वल जंग पाण्डे नेपालका लागि रुवान्डाको वाणिज्यदूतमा नियुक्त
द्धिपक्षीय सहायता र सहयोगमा केन्द्रित भएर काम गरिने उद्घोष
२०८०, २९ आश्विन सोमबार १७:५१ मा प्रकाशित
जनस्वास्थ्य सरोकार, काठमाडौं । औषधि उत्पादक संघ नेपाल (एपोन) का निवर्तमान अध्यक्ष एवं औषधि विज्ञ प्रज्वल जंग पाण्डे नेपालका लागि रुवान्डाको वाणिज्यदूतमा नियुक्त हुनुभएको छ । रूवाण्डा सरकारले पाण्डेलाई वाणिज्यदूतमा नियुक्त गरेको हो । उहाँ फार्मेसी काउन्सिलको अध्यक्ष पनि हुनुहुन्छ ।
नवनियुक्त वाणिज्यदूत पाण्डेलाइ परराष्ट्रमन्त्री एनपी साउदले नेपालका लागि रुवाण्डको वाणिज्यदूत भएको प्रमाणपत्र प्रदान गर्नुभएको छ ।
रूवान्डा र नेपालबीच व्यापार, आयात निर्यात, पर्यटन, संस्कृतिलगायत दर्जनौं व्यवसायिक क्रियाकलपामा द्धिपक्षीय सहायता र सहयोगमा केन्द्रित भएर काम गरिने पाण्डेले जानकारी गराउनुभएको छ । सो अवसरमा औषधि उत्पादक संघका उपाध्यक्ष सन्तोष वरालले रुवान्डाको महावाणिज्यदूतमा नियुक्त हुनुभएकोमा पाण्डेलाई हार्दिक वधाइ दिँदै उहाँको सफल कार्यकालको शुभकामना व्यक्त गर्नुभएको छ ।
