Logo
|
Friday 19th July 2024
Logo

epaper

अर्को सूचना प्रकाशित नभए सम्म आयोगको निर्देशकका लागि सर्ट लिष्टमा परेकाको प्रस्तुतीकरण र अन्तर्वार्ता स्थगित

बेलुका सम्म पुर्नतालिका सार्वजनिक हुनसक्ने



जनस्वास्थ्य सरोकार, काठमाडौँ । चिकित्सा शिक्षा आयोगको निर्देशक पदका लागि सर्ट लिष्टमा परेका १२ जनाको सोमबार (आज) लिने भनिएको प्रस्तुतीकरण र अन्तर्वार्ता स्थगित भएको छ ।

नाम सिफारसि समितिले प्राविधिक कारण जनाउँदै अर्को सूचना प्रकाशित नभए सम्मका लागि स्थगित गरिएको जनाएको हो ।

समितिले आज तीन चरणमा प्रस्तुतीकरण र अन्तर्वार्ता लिने गरी तालिका सार्वजनिक गरेको थियो।

शिक्षा मन्त्रालय स्रोतका अनुसार सम्भवत आज स्थगित भएको प्रस्तुतिकरण तथा अन्तर्वार्ता भोलिका लागि तय हुनेछ । त्यसका लागि बेलुका पुर्नतालिका सार्वजनिक हुनसक्ने बताइएको छ ।

सर्ट लिस्टमा परेका १२ जनामध्ये प्रस्तुतीकरण र अन्तर्वार्तामा धेरै अङ्क ल्याउने ४ जना आयोगको निर्देशकमा सिफारिस हुने छन् ।

प्रारम्भिक छनोट हुनेहरुमा डा. कृष्णसागर शर्मा, प्रा.डा. गुरुप्रसाद खनाल, प्रा.डा. दिनेशकुमार लम्साल, डा. भीमसिंह तिंकरी, प्रा. डा. वन्दना गुरुङ शर्मा, डा. विजयचन्द्र आचार्य, प्रा. डा. सरला श्रेष्ठ रहनुभएको छ ।

त्यसैगरी, प्रा.डा. सुजनबाबु मरहट्टा, प्रा.डा. सुदीप आचार्य, प्रा.डा. सुरज बज्राचार्य, प्रा.डा. स्वयंप्रकाश पण्डित, हरिप्रसाद बस्याल पनि प्रारम्भिक छनोटमा पर्नुभएको छ ।

प्रतिक्रिया दिनुहोस्