भाइरल बाल गायक सचिन परियारको निधन
२०८१, १८ पुष बिहीबार १४:४७ मा प्रकाशित
336
Shares
नेपाल हेल्थ न्युज, काठमाडौँ । भाइरल बाल गायक सचिन परियारको १३ वर्षको उमेरमा निधन भएको छ । उनको आज बिहान १० बजे महाराजगञ्जस्थित त्रिवि शिक्षण अस्पतालमा उपचारका क्रममा निधन भएको पारिवारिक स्रोतले जनाएको छ।
सिभियर निमोनियाले पल्मोनरी ह्यामरेज भएका कारण उनको निधन भएको अस्पतालले जनाएको छ। उनको ५ दिनदेखि आईसीयूमा उपचार भइरहेको थियो ।
सचिनले महानयक राजेश हमालसँग एक म्युजिक भिडियो अभिनय गरेका थिए भने हाँस्य श्रृखला ‘मेरी बास्सै’ मा पनि अभिनय गरेका थिए । ‘रातो रबर एक’, ‘रुमाल खस्छ की’, ‘के छ र हजुर’, ‘बरको छाँयाले’ लगायत उनले गाएका प्रमुख गीत हुन् । मिठो बोली र अनौठो हाउभाउले भाइरल बनेका सचिन सानैदेखि शारीरिक रूपमा कमजोर थिए ।
