भारतको सहयोगमा दार्चुलामा बन्यो स्वास्थ्य चौकी भवन
२०८१, २७ माघ आईतवार ११:४१ मा प्रकाशित
3
Shares
नेपाल हेल्थ न्युज, दार्चुला । भारत सरकारको आर्थिक सहयोगमा निर्मित दार्चुलाको नौगाड गाउँपालिकास्थित इयरकोट स्वास्थ्य चौकीको उद्घाटन गरिएको छ।
नेपाल–भारत विकास सहकार्य अन्तर्गत २ करोड ५३ लाख लागतमा निर्मित भवनको नौगाड गाउँपालिकाका अध्यक्ष दलजीत सिंह धामी र काठमाडौँस्थित भारतीय राजदूतावासका काउन्सिलर अविनाश कुमार सिंहले संयुक्तरूपमा उद्घाटन गर्नुभएको हो ।
कार्यक्रममा नौगाड गाउँपालिकाका अध्यक्ष र अन्य सरोकारवालाहरूले नेपालका जनताको उत्थानमा भारत सरकारले गरेको निरन्तर विकास सहयोगको प्रशंसा गर्नुभएको थियो । निर्माण गरिएको पूर्वाधार दुर्गम क्षेत्रका स्थानीयहरूलाई स्वास्थ्य सेवा सुविधा प्रदान गर्न उपयोगी हुने उनीहरूले विश्वास व्यक्त गर्नुभयो।
कार्यक्रममा राजनीतिक प्रतिनिधि,सरकारी अधिकरी र सामाजिक कार्यकर्ताहरूको बाक्लो उपस्थित रहेको थियो।
