सरकारको स्वास्थ्य बीमा कार्यक्रम अन्तर्गतको प्रयोगशाला तथा रेडियोलोजीका जाँचहरु स्थगित गर्ने प्रतिष्ठानको निर्णय
स्वास्थ्य बीमा बोर्डबाट प्राप्त गर्नुपर्ने ११ करोड रुपियाँ रकमको भुक्तानी अनिश्चित
२०८१, ९ फाल्गुन शुक्रबार १४:३० मा प्रकाशित
351
Shares
नेपाल हेल्थ न्युज, राप्ती । राप्ती स्वास्थ्य विज्ञान प्रतिष्ठानले सरकारको स्वास्थ्य बीमा कार्यक्रम अन्तर्गतको प्रयोगशाला तथा रेडियोलोजीका जाँचहरु स्थगित गर्ने निर्णय गरेको छ । औषधि वितरण पनि ३ महिनाबाट १ हप्तामा सिमित गरेको छ ।
स्वास्थ्य बीमा बोर्डबाट प्राप्त गर्नुपर्ने ११ करोड रुपियाँ रकमको भुक्तानी अनिश्चित भएपछि प्रतिष्ठानले फागुन १८ गतेदेखि लागू हुने गरी सो निर्णय गरेको हो ।
बिमित बिरामीलाई औषधि उपलब्ध गराउन र विभिन्न जाँचहरु गर्न आवश्यक केमिकलहरु खरिद गर्न प्रतिष्ठानमा सिर्जना भएको दायित्व ११ करोड रुपियाँ भन्दा बढी रहेको र बीमा बोर्डबाट उक्त रकमको भुक्तानी कहिले हुने भन्ने अनिश्चित रहेको प्रतिष्ठानले उल्लेख गरेको छ ।
