एकैदिन १४५९ जनामा संक्रमण पुष्टि, १०६२ जना निको भए, थप ११ जनाको मृत्यु
२०७७, ३० भाद्र मंगलवार १६:३७ मा प्रकाशित
जनस्वास्थ्य सरोकार, काठमाडौं । मुलुकमा मंगलबार १ हजार ४ सय ५९ जनामा कोभिड-१९ संक्रमण पुष्टि भएको छ । यो सँगै मुलकुमा संक्रमितहरुको संख्या ५६ हजार ७८८ पुगेको छ।
यसैगरी आज थप ११ जनाको कोरोनाका कारण मृत्यु भएको छ । योसँगै कोरोनाले ज्यान ग गुमाउनेको संख्या ३७१ पुगेको थियो ।
मन्त्रालयका अनुसार २४ घण्टामा १०६२ जना डिस्चार्ज भएका छन् । योसँगै कुल डिस्चार्ज हुनेको संख्या ४०,६३८ पुगेको छ । यो कुल संक्रमितको ७१।५ प्रतिशत हो ।
हाल मुलुकभर सक्रिय संक्रमितहरुको संख्या १५ हजार ७७९ रहेको छ । हाल ८ हजार १३९ जना संस्थागत आइसोलेसनमा छन् । त्यस्तै ७ हजार ६४० जना होम आइसोलेसनमा छन्। हाल ७ हजार २५० जना क्वारेन्टाइनमा छन् ।
देशभरका आईसीयूमा १७४ जना संक्रमित उपचाररत छन् भने भेन्टिलेटरमा २८ जना छन्। त्यस्तै पछिल्लो २४ घण्टामा १० हजार ३७५ जनाको पिसिआर गरिएको छ । हालसम्म पिसिआर परीक्षणको संख्या ८ लाख ६१ हजार ३६० पुगेको छ ।
