सक्रिय संक्रमितको संख्या २५ हजार नाघे फेरी लकडाउन हुने
२०७७, ७ आश्विन बुधबार १७:१७ मा प्रकाशित
3
Shares
जनस्वास्थ्य सरोकार, काठमाडौँ । देशभर कोभिड-१९ का सक्रिय संक्रमितको संख्या २५ हजार नाघे पुनः लकडाउन गर्न स्वास्थ्य तथा जनसंख्या मन्त्रालयले सिफारिस गरेको छ।
बुधबार स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा. डा. जागेश्वर गौतमले कोरोनाका सक्रियको संख्या २५ हजार नाघे लकडाउन गर्न सिफारिस गरिएको बताउनुभयो ।
मन्त्रालयको इन्सिडेन्ट कमाण्ड सिस्टमको बैठकले कोरोनाका सक्रिय संक्रमितको संख्या २५ हजार नाघे लकडाउन गर्नु पर्ने निष्कर्ष निकालेको प्रवक्ता प्रा. डा. गौतमले जानकारी दिनुभयो ।
उहाँले भन्नुभयो ‘२५ हजार बढी संक्रमित भए अस्पतालको पूर्वाधारमा व्यवस्थापन गर्न गाह्रो हुन्छ, त्यसैले लकडाउन गर्नु पर्ने निष्कर्ष निकालिएको छ ।’ बुधबारसम्म देशभर कोरोनाका सक्रिय संक्रमितको संख्या १७ हजार ४१४ रहेको छ।
