चिकित्सकमा कोरोना संक्रमण पुष्टि भएपछि अस्पतालका सबै सेवा बन्द
२०७७, २७ आश्विन मंगलवार १०:२२ मा प्रकाशित
111
Shares
जनस्वास्थ्य सरोकार, काठमाडौँ । लहानस्थित रामकुमार उमाप्रसाद स्मारक अस्पतालमा कार्यरत चिकित्सकमा कोरोना संक्रमण पुष्टि भएपछि अस्पतालका सबै सेवा बन्द गरिएको छ ।
मंगलबार सूचना प्रकाशन गर्दै अस्पताल प्रशासनले आकस्मिक सेवा १२ घण्टाका लागि र आकस्मिकबाहेकका सबै सेवा अर्को सूचना प्रकाशित नभएसम्मका लागि बन्द गरेको जनाएको छ ।
चिकित्सकसँगै अस्पतालका अन्य केही कर्मचारीमासमेत कोरोना सङ्क्रमणको लक्षण देखिएकाले रिपोर्ट नआउँदासम्म सबै सेवा बन्द गर्ने निर्णय भएको अस्पतालका प्रमुख सुनिलप्रसाद कुशवाहाले जानकारी दिनुभयो ।
अस्पताल प्रशासनले आकस्मिक कक्षलाई निर्मलीकरण गरेर १२ घण्टापछि सेवा सुरु गर्ने जनाएको छ ।
