Logo
|
Friday 18th June 2021
E-paper Magazine

देशभर थपिए ३५५६ जना कोरोना संक्रमित, सक्रिय संक्रमितको संख्या ३५ हजार ९१५ पुग्यो



जनस्वास्थ्य सरोकार, काठमाडौँ । नेपालमा पछिल्लो २४ घण्टामा थप ३ हजार ५५६ जनामा कोरोना भाइरस (कोभिड–१९) संक्रमण पुष्टि भएको छ । योसंगै नेपालमा कोरोना संक्रमितको संख्या १ लाख १५ हजार ३५८ पुगेको स्वास्थ्य तथा जनसंख्या मन्त्रालयले नियमित प्रेस ब्रिफ्रिङमा जानकारी दिएको छ ।

वितेको २४ घण्टामा देशभरका विभिन्न ल्यावबाट १५ हजार ५७७ जनाको पीसीआर जाँच गरिएको छ । हालसम्म १२ लाख ७ हजार ९१ जनाको पीसीआर परीक्षण भएको छ । आज थप ११४०३जना कोरोना संक्रमित निको भएर घर फर्किएका छन् ।

यो सहित देशभर कोरोनामुक्त हुनेको संख्या ७८ हजार ७८० पुगेको मन्त्रालयको प्रवक्ता प्रा.डा. जागेश्वर गौतमले जानकारी दिनुभयो । कोरोनासक्रमण मुक्त हुने दर ६८.३ प्रतिशत रहेको स्वास्थ्य मन्त्रालयले जनाएको छ ।

प्रा. डा. गौतमका अनुसार वितेको २४ घण्टामा थप १८ जनाको कोरोना संक्रमणबाट मृत्यु भएको छ । यो संगै कोरोना संक्रमणबाट ज्यान गुमाउनेको संख्या ६६३ पुगेको छ ।

देशभर सक्रिय संक्रमितको संख्या ३५ हजार ९१५ रहेको छ । ति मध्ये १५ हजार ४८ जना संस्थागत आइसोलेसनमा रहेका छन् भने २० हजार ८६७ जना होम आइसोलेसनमा रहेका छन । हाल देशभर ४ हजार ९५ जना क्वारेन्टीनमा रहेका छन ।

प्रतिक्रिया दिनुहोस्