थप ५८८ जनामा कोरोना संक्रमण, १०९७ निको, ११ जनाको मृत्यु
२०७७, ५ पुष आईतवार १६:३३ मा प्रकाशित
45
Sharesजनस्वास्थ्य सरोकार, काठमाडौँ । नेपालमा पछिल्लो २४ घण्टामा थप ५८८ जनामा कोरोना भाइरस (कोभिड–१९) संक्रमण पुष्टि भएको छ । योसंगै नेपालमा कोरोना संक्रमितको संख्या २ लाख ५३ हजार ७७२ पुगेको स्वास्थ्य तथा जनसंख्या मन्त्रालयले जानकारी दिएको छ ।
हालसम्म १८ लाख ७० हजार ८३० जनाको पीसीआर परीक्षण भएको छ । आज थप १०९७ जना कोरोना संक्रमित निको भएर घर फर्किएका छन् । यो सहित देशभर कोरोनामुक्त हुनेको संख्या २ लाख ४३ हजार ६६४ पुगेको मन्त्रालयले जनाएको छ ।
नेपालमा कोरोना सक्रमण मुक्त हुने दर ९६.०२ प्रतिशत रहेको छ ।
नेपालमा वितेको २४ घण्टामा थप ११ जनाको कोरोना संक्रमणबाट मृत्यु भएको छ । यो संगै कोरोना संक्रमणबाट ज्यान गुमाउनेको संख्या १७८८ पुगेको छ ।
देशभर सक्रिय संक्रमितको संख्या ८ हजार ३२० रहेको छ । हाल देशभर ४२१ जना क्वारेन्टीनमा रहेका छन ।
