Logo
|
Wednesday 26th January 2022
E-paper Magazine

खोप छिट्टै आउँछ, ढुक्क हुनुहोस् -स्वास्थ्यमन्त्री त्रिपाठी



जनस्वास्थ्य सरोकार, काठमाडौ । स्वास्थ्य तथा जनसंख्या मन्त्री हृदयेश त्रिपाठीले यथासिघ्र कोरोना विरुद्धको खोप आउने र न्यायोचित तवरबाट वितरण गरिने बताउनुभएको छ ।

मन्त्रालयमा आयोजित पत्रकार सम्मेलनमा खोप ल्याउनका लागि कुटनितिक र राजनीतिक पहल गरिरहेको बताउनुभयो । उहाँले नीतिगत तयारी पुरा भैसकेको जानकारी दिँदै खोपका सन्दर्भमा बिभिन्न देशका राजदुतसंग भेटघाट र छलफल गरेको बताउनुभयो ।


यस्तै मन्त्री त्रिपाठिले खोप अभियान सफल बनाउने, प्रत्येक पालिकामा ५, १० र १५ शय्याका अस्पताल बनाउने र कर्मचारी समायोजनको काम पूरा गर्ने प्रतिबद्धता व्यक्त गर्नुभयो । उहाँले भन्नुभयो- ‘खोपको प्राप्ति अन्य विषयको प्राप्ति जस्तो होइन। यो स्वास्थ्य सामग्री भए पनि राजनीतिक सामग्री हुन पुग्यो। सीमित देशमा खोप बनेकोले प्राप्तिमा ढिला भयो।’

खोपको पूर्व तयारीको लागि सरकारले एक करोड ७७ लाख खोपको डोज भण्डारण गर्नसक्ने क्षमता रहेको भन्दै यसमा दुईदेखि ८ डिग्री तापक्रममा भण्डारण सकिने बताउनुभयो ।


कोभिड–१९ को खोप नेपालमा ल्याउने तयारी अगाडि बढेसँगै नेपालमा संचालनमा रहेका १६ हजार खोप केन्द्रहरु, १६ हजार कर्मचारी र ५२ हजार महिला स्वास्थ्य स्वयंमसेविकाहरु परिचालन गर्ने स्वास्थ्य मन्त्रालयको तयारी छ ।

प्रतिक्रिया दिनुहोस्