जाजरकोटका सुत्केरीलाई ‘कोसेली’
२०७७, १२ फाल्गुन बुधबार १४:०२ मा प्रकाशित
18
Shares
जनस्वास्थ्य सरोकार, जाजरकोट । जाजरकोटको जुनिचाँदे गाउँपालिकाले सुत्केरी महिलालाई कोसेलीस्वरुप तेल, कुखरा र न्यानो कपडा वितरण गरेको छ ।
सुत्केरी आमासँग उपाध्यक्ष कार्यक्रमअन्तर्गत जुनीचाँदे गाँउपालिकामा सुत्केरी भएका पाँच सय बढी महिलालाई लोकल कुखुराका लागि रु एक हजार ५००, तोरीको तेलका लागि रु ५०० र बच्चाको न्यानो कपडा किन्नका लागि रु ५०० गरी रु दुई हजार ५०० का दरले रकम वितरण गरेको गाउँपालिकाकी कावा अध्यक्ष शिवा आचार्यले जानकारी दिनुभयो ।
सुत्केरी आमासँग उपाध्यक्ष कार्यक्रम सञ्चालनका लागि गत आर्थिक वर्षमा रु १४ लाख ६९ हजार विनियोजन गरेको गाउँपालिकाले ५८८ सुत्केरीलाई रकम वितरण गरेको आचार्यले जानकारी दिनुभयो ।
