Logo
|
Friday 18th June 2021
E-paper Magazine

जनस्वास्थ्यका मापदण्ड पालनामा कडाई गर्न स्वास्थ्य मन्त्रालयको आग्रह



जनस्वास्थ्य सरोकार, काठमाडौँ । सरकारले कोरोना संक्रमणको जोखिम बढेकाले जनस्वास्थ्यका मापदण्ड पालनामा कडाई गर्न आग्रह गरेको छ । कोरोना संक्रमण यहि गतिमा बढे अस्पतालमा विरामी राख्ने ठाउँमा समेत पाउन मुस्किल हुने भन्दै मापदण्ड पलाना गर्न सबैलाई आग्रह गरेको हो ।

स्वास्थ्य तथा जनसंख्या मन्त्रालयले एक विज्ञप्ती जारी गर्दै भनेको छ, ‘विश्वव्यापी महामारीको रुपमा रहेको कोभिड १९ ले हाल छिमेकी देशहरुमा स्वास्थ्य सेवा प्रवाह प्रणाली समेत तहसनहस पारी नियमित स्वास्थ्य सेवा उपलब्ध गराउन र कोभिड १९ को संक्रमितलाई अस्पतालमा राखेर हेरचार गर्न नसकिएको हृदयविदारक घट्ना हाम्रै आँखा अगाडि देखिरेका छौं । यो महामारीले हाम्रै देशका विभिन्न स्थानहरुका समेत उस्तै किसिमका दुःखद् अवस्था आईसकेको देख्दादेख्दै पनि हामी सबैले संक्रमण रोकथाम गर्नसक्ने भूमिकाहरुको निर्वाह गरेका छैनौं । अहिलेको संक्रमण सबै वर्ग र उमेर समूहका लागि अत्यन्त जोखिमपूर्ण छ । र, हालसम्म कोभिडको उपचार गर्नसक्ने कुनैपनि औषधी वा उपाय चिकित्सा विज्ञानले विकास गर्न सकेको छैन् ।’

कोरोना संक्रमणको फैलावटलाई रोक्न सबै जिम्मेवार बन्न आवश्यक रहेको पनि मन्त्रालयले बताएको छ । सरकारले तोकेका मापदण्ड पालना गर्नुको विकल्प नभएको भन्दै मन्त्रालयले भनेको छ, ‘संक्रमणको चक्रलाई रोक्न सकिएन र यही गतिमा फैलँदै गएमा केही दिनमै अस्पतालमा विरामी राख्ने ठाउँसम्म हुने छैन् । त्यसैले व्यक्ति व्यक्तिले निर्वाह गर्नसक्ने भूमिकाहरुलाई कसैलाई पनि विचलित हुन नदिऔं, खबरदारी गरौं ।’

प्रतिक्रिया दिनुहोस्