नेपालमा एकैदिन सर्वाधिक ३५ जना कोरोना संक्रमितको मृत्यु, ४,९२८ संक्रमित थपिए
२०७८, १६ बैशाख बिहीबार १७:०५ मा प्रकाशित
135
Shares
जनस्वास्थ्य सरोकार, काठमाडौँ । नेपालमा एकैदिन ३५ जना कोरोना संक्रमितको मृत्यु भएको छ । यो संख्या हालसम्मकै उच्च हो । यो सँगै नेपालमा कोरोना संक्रमणबाट ज्यान गुमाउनेको संख्या ३ हजार २४६ पुगेको स्वास्थ्य तथा जनसंख्या मन्त्रालयले जनाएको छ ।
वितेको २४ घण्टामा थप ४,९२८ जना संक्रमित थपिएका छन् । १२५९७ पिसिआर र ९६३ एन्टीजेन परीक्षण गर्दा ४,९२८ जनामा संक्रमण पुष्टि भएको मन्त्रालयले जनाएको छ ।
नेपालमा सक्रिय संक्रमित संख्या ३४,११७ पुगेको छ । पछिल्लो २४ घण्टामा ८८८ जना निको भएका छन् । नेपालमा कूल संक्रमित संख्या ३ लाख १७ हजार ५३० पुगेको छ ।
