नेपालमा एकैदिन ५७२७ जनामा संक्रमण, ३३ जनाको मृत्यु
२०७८, १७ बैशाख शुक्रबार १६:३६ मा प्रकाशित
165
Sharesजनस्वास्थ्य सरोकार, काठमाडौँ । नेपालमा बितेको २४ घण्टामा ५ हजार ७ सय २७ जनामा कोरोनाभाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार १५ हजार ३९१ जनाको पीसीआर विधिबाट परीक्षण गर्दा ५ हजार ६५७ जना र ५२५ जनाको एन्टिजेन विधिबाट परीक्षण गर्दा ७० जनाको रिपोर्ट पोजेटिभ आएको हो ।
यससँगै देशभर कोरोना संक्रमितको कुल संख्या ३ लाख २३ हजार १८७ पुगेको छ ।
पछिल्लो २४ घण्टामा ९२८ जना संक्रमणमुक्त भएका छन । हालसम्म संक्रमणमुक्त हुनेको संख्या २ लाख ८१ हजार ९५ पुगेको छ । देशभर सक्रिय संक्रमितको संख्या ३८ हजार ८१३ पुगेको छ ।
स्वास्थ्य तथा जनसंख्या मन्त्रालयका अनुसार २४ घण्टामा ३३ जनाको मृत्यु भएको छ । नेपालमा कोरोना संक्रमित मृतकको कुल संख्या ३ हजार २८९ पुगेको छ ।
