आइतबार २४०७ जनामा संक्रमण, ३९९४ जना निको, ४६ जनाको मृत्यु
२०७८, ३० जेष्ठ आईतवार १७:०५ मा प्रकाशित
93
Sharesजनस्वास्थ्य सरोकार, काठमाडौँ । नेपालमा पछिल्लो २४ घण्टामा दुई हजार ४०७ जनामा कोभिड–१९ संक्रमण पुष्टि भएको छ ।
१२ हजार ४०६ नमुनाको परीक्षण गर्दा दुई हजार ४०७ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज काठमाडौँमा ४८३ , भक्तपुरमा ५८ र ललितपुरमा ११२ जना गरी काठमाडौँ उपत्यकामा ६ सय ५३ जना थपिएका छन् ।
पछिल्लो २४ घण्टमा कोरोना संक्रमणबाट ४६ जनाको मृत्यु भएको छ । हालसम्म कोरोनाबाट ज्यान गुमाउनेको संख्या ८ हजार ४१२ पुगेको छ ।
त्यस्तै, पछिल्लो २४ घण्टामा ३ हजार ९९४ जना संक्रमणमुक्त भएका छन ।
