Logo
|
Sunday 24th October 2021
E-paper Magazine

नेसनल हेल्थ केयरले ल्यायो ३ हजार ५ सयमा रेम्डिसिभिर



जनस्वास्थ्य सरोकार, काठमाडौँ । मुलुकको अग्रणी औषधि कम्पनि नेसनल हेल्थ केयर प्रा. लिले कोरोना भाइरस (कोभिड-१९) संक्रमितको उपचारमा प्रयोग हुने रेम्डिसिभिर औषधि उत्पादन गरी विक्री वितरण सुरु गरेको छ ।


कम्पनिले ‘रेमसिभिर’ ब्रान्ड नाममा ल्याएको सो रेम्डिसिभिरको खुद्रा मुल्य ३ हजार ५ सय तोकिएको छ ।

गत बैशाख ३१ गते उत्पादन अनुमति पाएको कम्पनिले असार १३ गते मार्केटिङ लाइसेन्स प्राप्त गरेपछि सो औषधि बिक्री वितरण सुरु गरेको हो ।
कम्पनिको मार्केटिङ डिभिजन ‘ओटिभा’ का डिस्ट्रिव्युटर मार्फत सो औषधि मुलकभर उपलब्ध भएको कम्पनिका भाइस प्रेसिडेन्ट (मार्केटिङ) अजय पाण्डेले जानकारी दिनुभयो ।


उहाँले अत्याधुनिक टेक्नोलोजीबाट उत्पादन भएको सो औषधि गुणस्तरीय र असरदार भएको स्पष्ट पार्नुभयो ।

यो औषधि आयातित रेम्डिसिभिरको तुलनामा निकै सस्तो भएको कम्पनिका जनरल म्यानेजर अमित पोखरेलले जानकारी गराउनुभयो । हाल बजारमा ५ हजार १ सयमा आयातित रेम्डिसिभिरको बिक्री वितरण हुँदै आएको छ ।

प्रतिक्रिया दिनुहोस्