Logo
|
Sunday 19th September 2021
E-paper Magazine

प्रधानमन्त्री देउवाद्वारा तीजको शुभकामना, स्वास्थ्य मापदण्ड पालना गर्न आग्रह



जनस्वास्थ्य सरोकार, काठमाडौँ । प्रधानमन्त्री शेरबहादुर देउवाले सामाजिक सद्भावसहितको सांस्कृतिक पर्व हरितालिका तीजका अवसरमा सम्पूर्ण दिदीबहिनीहरूमा सुस्वास्थ्य र दीर्घायुको शुभकामना व्यक्त गर्नुभएको छ ।

उहाँले शुभकामना सन्देशमार्फत तीजले नेपाली समाजमा विद्यमान लैङ्गिक जातीय वर्गीय विभेद र सबै किसिमका असमानता अन्त्य गर्दै सामाजिक सद्भाव, सहिष्णुता र मेलमिलाप बढाई समुन्नत समाजको निर्माणमा अभिवृद्धि गर्न उत्प्रेरित गरोस् भन्ने शुभकामना दिनुभएको छ ।

‘कोभिड-१९ को कारण हर्षोल्लासपूर्वक पारिवारिक जमघटसाथ मनाउन नपाएपनि महामारीको यस यस अवस्थामा स्वास्थ्य मापदण्ड पालना गर्दै हरितालिका तीजको मौलिकता र सास्कृतिक महत्वको जगेर्ना गर्दै मनाउन म सबै दिदीबहिनीहरुमा हार्दिक अनुरोध गर्दछु,’ शुभकामना सन्देशमा भनिएको छ ।

भाद्र शुक्ल पक्ष तृतीयाका दिन पर्ने हरितालिका तीज भगवान् शिव पार्वतीको पूजा आराधना गर्दै पारिवारिक सुस्वास्थ्य र दीर्घायुको कामना एवं विश्वासका साथ मनाउने गरिन्छ ।

प्रतिक्रिया दिनुहोस्