४४ लाख डोज खोप लिन नेपाल एयरलाइन्सको विमान चीन जाँदै
जनस्वास्थ्य सरोकार, काठमाडौँ । चीनबाट खरिद गरिएको ४४ लाख डोज कोरोनाविरुद्धको भेरोसेल खोप लिन आज नेपाल एयरलाइन्सको विमान चीन जाँदै छ ।
सरकारले चीनसँग पछिल्लो पटक ६० लाख डोज भेरोसेल खोप खरिद गरेको थियो । जसमध्ये १६ लाख डोज खोप भदौ ४ र ५ गते नै आइसकेको छ ।
खरिद गरेको बाँकी ४४ लाख डोज खोप लिन साँझ पौने ६ बजे विमान चीन जान लागेको हो । खोप लिएर विमान भोलि नेपाल आइपुग्नेछ ।