थप २७१ जनामा कोरोना संक्रमण, २२५ संक्रमणमुक्त
२०७८, १२ पुष सोमबार १६:४५ मा प्रकाशित
51
Sharesजनस्वास्थ्य सरोकार, काठमाडौँ । देशभर थप २७१ जनामा कोरोनाभाइरसको संक्रमण पुष्टि भएको छ। स्वास्थ्य तथा जनसङ्ख्या मन्त्रालयका अनुसार १० हजार ८८६ जनाको परीक्षण गर्दा पीसीआर विधिबाट २५१ र एन्टिजेन विधिबाट २० जनामा सङ्क्रमण पुष्टि भएको हो।
यही अवधिमा थप २२५ जना संक्रमणमुक्त भएका भने १ जनाको मृत्यु भएको छ। नेपाल हालसम्म कूल सङ्क्रमितमध्ये ८ लाख ११ हजार ५ जना संक्रमणमुक्त भइसकेका छन्।
हाल देशभर ४ हजार ९३१ जना सक्रिय संक्रमित रहेका छन्। जसमध्ये ४ हजार ६९४ जना होम आइसोलेसनमा रहेका छन् भने २३७ जना संस्थागत आइसोलेसनमा रहेका छन्। कोरोनाका बिरामीमध्ये ७८ जना आईसीयू र २३ जना भेन्टिलेटरमा उपचाररत् छन्।
