सिडिओसहित १८ कर्मचारीलाई कोरोना संक्रमण भएपछि काठमाडौं प्रशासनमा यी सेवा कटौती
२०७८, ५ माघ बुधबार १२:४७ मा प्रकाशित
96
Shares
जनस्वास्थ्य सरोकार, काठमाडौँ । कर्मचारीमा कोभिड १९को सङ्क्रमण बढेपछि सरकारी कार्यालयले सेवा कटौती गर्न थालेका छन् ।
जिल्ला प्रशासन कार्यालय काठमाडौँले आज बुधबारबाट लागू हुने गरी सेवामा कटौती गरेको छ । प्रमुख जिल्ला अधिकारी गोविन्द रिजालसहित १८ कर्मचारीलाई कोभिड सङ्क्रमण भएपछि नियमित सेवा कटौती गरिएको हो ।
जिल्ला प्रशासन कार्यालय काठमाडौँका अनुसार नेपाली नागरिकता प्रदान, नागरिकताको प्रतिलिपि, नाबालक परिचयपत्र, राष्ट्रिय परिचयपत्र र राहदानी वितरण स्थगित गरिएको हो । त्यस्तै, राहदानी विभागले पनि अत्यावश्यकबाहेकका सेवा स्थगित गरेको छ ।
यसअघि टोकन लिएका तथा बुकिङ भएकाबाहेक नयाँ राहदानी जारी गर्न बन्द गरिएको छ । सेवाग्राहीसँग नियमित सम्पर्क हुने सेवा हाललाई रोकिएको छ ।
