Logo
|
Friday 1st July 2022
Logo

epaper

भारतमा कोरोना संक्रमणबाट मृत्यु हुनेको संख्या बढ्यो



जनस्वास्थ्य सरोकार, नयाँ दिल्ली । पछिल्लो २४ घण्टामा भारतमा ३ लाख ४७ हजार २५४ जनामा कोरोना भाइरस संक्रमण पुष्टि भएको छ ।

भारतीय स्वास्थ्य मन्त्रालयकाअनुसार यस अवधिमा २ लाख ५१ हजारभन्दा बढी व्यक्तिहरु संक्रमणमुक्त भएका छन् भने ७ सय १ जनाको संक्रमणले निधन भएको छ । हाल देशभर सक्रिय संक्रमितको संख्या २० लाख १२ हजार रहेको छ ।

भारतमा बितेका चार दिनयता कोभिड–१९ संक्रमित मृत्युको संख्यामा लगातार वृद्धि भइरहेको छ । १७ जनवरीमा संक्रमणले ३१४ जनाको निधन भएको थियो । त्यहीँ उक्त संख्यामा वृद्धि भएर बितेको २४ घण्टामा ७०१ जनाको निधन भएको छ । मृत्यु हुनेको संख्या आठ महिनापछि ७ सयको हाराहारीमा पुगेको छ । कोरोना महामारीको दोस्रो लहरमा मे ११ मा ७११ जनाको मृत्यु भएको थियो ।

भारतमा हालसम्म ३ करोड ८५ लाख ६६ हजार ४७ जनामा कोरोना भाइरस संक्रमण पुष्टि भएको छ । त्यसैगरि ३ करोड ६० लाख ४८ हजार ८६८ जना कोभिड–१९ संक्रमणमुक्त भएका छन् । यहाँ महामारी सुरु भएयता संक्रमणको चपेटामा परेर ४ लाख ८८ हजार ३९६ जनाको निधन भएको छ ।

प्रतिक्रिया दिनुहोस्