गायक तथा संगीतकार बप्पी लहरीको निधन
२०७८, ४ फाल्गुन बुधबार ११:४४ मा प्रकाशित
72
Shares
बलिउड चर्चित गायक तथा संगीतकार बप्पी लहरीको निधन भएको छ । उहाँको ६९ वर्षको उमेरमा मंगलबार राती मुम्बईस्थित क्रिटी केयर अस्पतालमा निधन भएको हो ।
अब्स्ट्रटिभ स्लीप एप्निया (ओएसए)को कारण उहाँको निधन भएको अस्पतालले जनाएको छ ।
एक महिना अघिदेखि अस्पताल भर्ना हुनु भएको बप्पी सोमबार डिचार्ज भएर घर फर्किनु भएको थियो । तर मंगलबार पुनः स्वास्थ्य अवस्था विग्रिएपछि उहाँलाई अस्पताल पुर्याइएको थियो ।
बप्पी ‘डिस्को किङ्ग‘को रुपमा पनि परिचित हुनुहुन्छ । उहाँले डिस्को डान्सर, शराबी, चलते चलते लगायतका थुप्रै चर्चित गीतहरु गाउनु भएको छ । बलिउडमा करिब ५० वर्ष काम गर्नु भएको उहाँले अन्तिम गीत सन् २०२० मा बलिउड फिल्म ‘बागी ३‘को लागि गाउनु भएको थियो ।