Logo
|
Thursday 2nd February 2023
Logo

epaper

डेंगीका तीन सेरोटाइप पुष्टि, अझै रोकिएन संक्रमण



जनस्वास्थ्य सरोकार, काठमाडौं । इपिडिमियोलोजी तथा रोग नियन्त्रण महाशाखा (ईडीसीडी) का अनुसार यस वर्ष महामारीको रुपमा फैलिएको डेंगीका ३ सेरोटाइप (समूह) पुष्टि भएको छ । देशभरबाट लिइएको ३३४ नमुनाबाट सेरोटाइप १, २ र ३ पुष्टि भएको शाखाले जनाएको हो ।

शाखाले त्रिभुवन विश्वविद्यालयमा ५०, राष्ट्रिय जनस्वास्थ्य प्रयोगशालामा २७२ र बीपी कोइराला स्वास्थ्य विज्ञान प्रतिष्ठानमा १२ वटा नमूना परीक्षण गरी तीन समूहका सेरोटाइप पुष्टि गरेको हो ।

शाखाअन्तरगतको ईडीसीडीका कीटजन्य रोग नियन्त्रण शाखाका प्रमुख डा.गोकर्ण दाहालले १५४ नमुनामा सेरोटाइप १, ३४ वटा नमुनामा सेरोटाइप २ र ८१ वटा नमुनामा सेरोटाइप ३ देखिएको जनाउनुभयो ।

७७ वटै जिल्लामा फैलिएको डेंगीबाट साउनयता ५३ हजार ९५१ जना संक्रमित र ६२ जनाको मृत्यु भइसकेको छ । डेंगी शून्य नै नभए पनि केशहरु हाल निकै कम भइसकेका छन् । अहिले पनि दैनिक १० देखि १२ जनामा डेंगी पुष्टि भइरहेको छ ।

नेपालमा सन् २००४ मा पहिलो पटक डेंगी पुष्टि भएको थियो ।

प्रतिक्रिया दिनुहोस्