त्रिवि चिकित्साशास्त्र अध्ययन संस्थानका विद्यार्थी र प्रहरीबीच झडप
जनस्वास्थ्य सरोकार, काठमाडौ । त्रिवि चिकित्सा शास्त्र अध्ययन संस्थान (आईओएम) मा विद्यार्थी र प्रहरीबीच झडप भएको छ। विद्यार्थीहरुले आईओएमको डीनको कार्यालयमा लगाएको ताला प्रहरीले खोल्ने क्रममा झगडा भएको हो ।
चिकित्सा शिक्षा संघर्ष अभियान र होस्टल सुधार समूहले आईओएमको विकृतिविरूद्ध र होस्टलको व्यवस्थापनको लागी सोमबारबाट आन्दोलन रहेको बिद्यार्थीहरुले बताएका छन । प्रशासनले प्रहरी लगाएर ताला खोलेपछि विद्यार्थीले प्रहरी विरुद्ध नाराबाजी गरेका थिए। सोही क्रममा झडप भएको थियो।
झडपको क्रममा प्रहरीले दुई जना विद्यार्थीहरुलाई नियन्त्रणमा लिएको थियो। तर उनीहरु रिहा भइसकेका छन्।