नोबेल मेडिकल कलेजमा ‘एडल्ट बेसिक लाईफ सपोर्ट’ तालिम सम्पन्न
२०८०, २६ असार मंगलवार १०:५२ मा प्रकाशित
जनस्वास्थ्य सरोकार, विराटनगर । विराटनगरस्थित नोबेल मेडिकल कलेजमा ‘एडल्ट बेसिक लाईफ सपोर्ट’ तालिम सम्पन्न भएको छ ।
विराटनगर सेन्ट्रल लायन्स क्लव, लियो क्लव सेन्ट्रलको आयोजना र नोबेल मेडिकल कलेज टिचिङ्ग हस्पिटलको सहकार्यमा तालिम सम्पन्न गरिएको हो ।
तालिमको उद्घाटन लायन्स क्लब अन्तर्राष्ट्रिय ३२५ सि का डिस्ट्रीक गभर्नर बिजयहरी शर्माले गर्नुभएको थियो । तालिममा विभिन्न लियो क्लवका प्रतिनिधीहरुको सहभागिता जनाएका थिए ।
दुर्घटना र कुनै भवितव्यका कारण घाइते वा अचेत मानिसको जीवन रक्षाका लागि तत्काल अपनाउनु पर्ने सामान्य सुरक्षा विधी र ज्ञानको कमिले गर्दा विश्व भरमा धेरैले ज्यान गुमानु परेको छ ।
यस्ता तालिमले आकस्मिक अवस्थामा जो कसैले पनि सामान्य सुरक्षा विधी अपनाउन सकेको खण्डमा थप जोखिमको अवस्थालाई न्यूनिकरण गर्न सकिन्छ ।
तालिममा नोबेल मेडिकल कलेजका एनेस्थेसिया तथा सघन उपचारका डा. बन्दना, डा. रुपक, डा. शुभम, डा. रोशन, डा.पारशमणी, डा. सागर, डा. मोनिका, डा.सन्जय, डा. निलम, डा. शेरिना, डा. शैलेश, डा. राजिब र डा. दिनेश सहितको टोलिले लियोका सद्स्यहरुलाई तालिम प्रदान गर्नुभएको थियो ।
तालिमका बारेमा प्रष्ट पार्दै डाक्टर बन्दनाले कुनै पनि दुर्घटना वा भवितव्य आइ पर्दा अप्नाउनु पर्ने सामान्य सुरक्षा बिधिका बारेमा तालिम प्रदान गरिएको बताउनुभयो ।
बिराटनगर सेन्ट्रल लियो क्लबका अध्यक्ष लियो जीवन कुमार यादबले क्लबले जीवन सुरक्षा सग समबन्धी बिषयमा तालिम प्रदान गरिएको र तालिममा सिकेका सिपहरुलाइ आवश्यक स्थानमा प्रयोग गरेर जीवन जोगाउनका लागि लियोहरु खटिनेमा आफू बिश्वस्त रहेको बताउनुभयो । नोबेल शिक्षण अस्पतालमा विभिन्न संघ संस्थाहरूको समन्वयमा विविध तालिमहरूको आयोजना हुँदै आएको छ ।
