जनस्वास्थ्य सरोकार,काठमाडौं । नेपाल औषधि उत्पादक संघ (एपोन) को आयोजनामा नवौं नेपाल फर्मा एक्स्पो २०२४ फागुुन २५ देखि २७ गतेसम्म चितवनमा सञ्चालन हुने भएको छ । चितवन प्रदर्शनी केन्द्र भरतपुमा हुने एक्स्पोमा करिब ३० हजार अवलोकनकर्ताहरुले अवलोकन गर्ने संघले जनाएको छ ।
राजधानी बाहिर गरिएको यो एक्स्पो तेस्रोपटक हो । यसअघि सातौं र आठौं नेपाल फर्मा एक्स्पो पनि सोही ठाउँमा भएको थियो । हरेक दुई वर्षको अन्तरमा एक्स्पोको आयोजना गरिदै आएको छ ।
नेपालमा उत्पादन भइरहेका औषधि उत्पादनको प्रविधी र यसमा अपनाइएका संवेदनशिलता बारेमा जनमानसमा सचेतना दिने, नेपालको औषधि उत्पादनलाई अन्तराष्ट्रियस्तरसम्म पुर्याउन अझ प्रविधी मैत्री र दक्षता प्रदान गर्न, औषधी प्राविधिक र फर्मासिस्टहरुलाई अन्तर्राष्ट्रियस्तरको नविन प्राविधिक ज्ञान दिने एक्स्पोको उद्धेश्य रहेको संघका अध्यक्ष महेश प्रधानले बताउनुभयो ।
महेश प्रधान-अध्यक्ष, नेपाल औषधि उत्पादक संघ
नेपाल फर्मा एक्स्पो २०२४ का संयोजक प्रभात रुंगटाले एक्स्पोमा नेपाल, भारत, चिन, वंगालदेश, सिंगापुर लगायत देशकासमेत गरी करिब १५० स्टल रहने जानकारी गराउनुभयो ।
प्रभात रुंगटा-संयोजक, नेपाल फर्मा एक्स्पो २०२४सन्तोष बराल-मिडिया संयोजक, नेपाल फर्मा एक्स्पो २०२४
एक्स्पोका मिडिया संयोजक सन्तोष बरालले औषधि उत्पादन प्रयोगमा ल्याइएका धेरै किसिमका नयाँ प्रविधिलाई एक्स्पोमा देखाइने बताउनुभयो ।
