म्याद गुज्रिएको औषधि पाइएपछि अस्पताल र फार्मेसीलाई औषधि बिक्रीमा रोक
![](https://i0.wp.com/nepalhealthnews.com/wp-content/uploads/2024/05/math.jpg?resize=720%2C405&ssl=1)
नेपाल हेल्थ न्युज, भैरहवा । सिद्धार्थनगर नगरपालिकाले म्याद गुज्रिएको औषधि पाइएकाले सराफ फार्मेसी र अस्पताल लाई औषधि बिक्रीका लागि रोक लगाएको छ ।
सिद्धार्थनगर ८ रबि पथमा रहेको सराफ अस्पताल र फार्मेसीमा कागजपत्र नपाइएको, कर्मचारी पनि नपाइएको ल्याबमा १ जना कर्मचारी मात्र भएको, नियम र कार्यविधि विपरीत फार्मेसीले बिक्री गरेको पाइएको सिद्धार्थनगर नगरपालिकाकी उपमेयर तथा नगरपालिका अनुगमन समिति संयोजक उमा अधिकारीले बताउनुभयो ।
![](https://i0.wp.com/nepalhealthnews.com/wp-content/uploads/2024/05/85A7407_1-1024x576-1.jpg?resize=720%2C405&ssl=1)
अनुगमनको क्रममा म्याद गुज्रिएको औषधि पाइएको, फार्मेसीमा व्यक्ति नभएको ल्याबको कर्मचारी भेटिएको र कागज पत्र समेत कुनै नभएको पाइएकाले नगरपालिकामा कागज पत्र ल्याउन भन्दै हालका लागि औषधि बिक्री गर्न रोक लगाइ बन्द गराइएको सिद्धार्थनगर नगरपालिका स्वास्थ्य प्रमुख गिता पोख्रेलले जानकारी दिनुभयो । रेडियोनेपाल