तनाव व्यवस्थापन र निर्णय क्षमता अभिवृद्धि गर्न दैनिक योगाभ्यास गरौँ : गृहमन्त्री लामिछाने
२०८१, ५ असार बुधबार १७:५६ मा प्रकाशित
6
Shares
नेपाल हेल्थ न्युज, काठमाडौँ । उपप्रधान तथा गृहमन्त्री रवि लामिछानेले तनाव व्यवस्थापन र निर्णय क्षमता अभिवृद्धि गर्न दैनिक योगाभ्यास गर्न आग्रह गर्नुभएको छ ।
दसौँ अन्तर्राष्ट्रिय योग दिवसको अवसरमा प्रहरी प्रधान कार्यालय (नक्साल) मा आयोजित योग विज्ञान शिविरमा मन्त्री लामिछानेले योगबाट शरीरका विकार निकाल्न सकिएजस्तै प्रहरीले देशका विकार निकाल्न सक्नुपर्नेमा जोड दिनुभयो ।
उहाँले योगको बेलामा झैँ आफ्नो जिम्मेवारीमा ध्यानमग्न भए प्रहरीबाट कहिल्यै गैर–व्यावसायिक क्रियाकलाप नहुने विश्वास व्यक्त गर्नुभयो।
शान्ति–सुरक्षा कायम, सुशासन अभिवृद्धि र सेवा प्रवाहमा सुधार ल्याउन प्रहरीले भूमिका बढाउनुपर्ने र त्यसका लागि योगमार्फत तनाव व्यवस्थापन आवश्यक रहेको उहाँको भनाइ थियो।
