यस वर्षको ‘श्रीपति समाजसेवा राष्ट्रिय पुरस्कार’ डा.सन्दुक रुइतलाई प्रदान
२०८१, २८ असार शुक्रबार १२:३० मा प्रकाशित
18
Shares
नेपाल हेल्थ न्युज, कास्की । स्वास्थ्य तथा मानवीय सेवाका क्षेत्रमा ख्यातिप्राप्त नेत्ररोग विशेषज्ञ डा. सन्दुक रुइतलाई यस वर्षको ‘श्रीपति समाजसेवा राष्ट्रिय पुरस्कार’ प्रदान गरिने भएको छ ।
पोखरा महानगरपालिका-९ महेन्द्रपुलस्थित श्रीपति कोइराला गुठीले स्थापना गरेको पुरस्कार २१७औँ श्रीपति जयन्तीका अवसरमा रुइतलाई प्रदान गर्ने घोषणा गरिएको हो ।
विसं २०७७ देखि सुरु गरिएको यस पुरस्कारको राशि दुई लाख २२ हजार २२२ रुपैयाँ, श्रीपति समाजसेवा पदक र ताम्रपत्र रहेको छ ।
देश र जनताका लागि विपदमा उद्धार तथा राहत सहयोग, शिक्षा, संस्कृति, स्वास्थ्य सेवा, विज्ञान प्रविधि, सामाजिक जागरण, मानवीय सेवा र सामुदायिक विकासको क्षेत्रमा क्रियाशील व्यक्तित्व तथा संस्थालाई पुरस्कार प्रदान गरिँदै आएको श्रीपति कोइराला गुठीका सचिव नवराज कोइरालाले जानकारी दिनुभयो ।
