बुधबार १२ जना डिस्चार्ज, मुलुकमा २७८ ले जिते कोरोना
२०७७, २१ जेष्ठ बुधबार १८:२२ मा प्रकाशित
जनस्वास्थ्य काठमाडौं । बुधबार १२ कोरोना संक्रमितहरुले कोभिड १९ जितेका छन् । यसरी कोरोना जित्नेहरुमा जनकपुर अस्पतालबाट ५, टेकु अस्पताल काठमाडौंबाट १, वलम्बुस्थित युनिफाइड अस्पतालबाट १, त्रि.बि. शिक्षण अस्पताल महाराजगञ्जबाट १, बुटवलबाट ४ जना गरी १२ जना अस्पतालबाट डिस्चार्ज भएका छन् । यो सँगै मुलुकमा कोरोना जित्नेहरुको संख्या २७८ पुगेको छ । यसमा २२२ पुरुष ५६ जना महिला रहेको स्वास्थ्य तथा जनसंख्या मन्त्रादयका प्रवक्ता डा. विकास देवकोटाले बताउनुभयो ।
नेपालमा बुधबार २०१ जनामा कोभिड १९ कोरोना भाइरस संक्रमण पुष्टि भएको छ । यो सँगै मुलुकमा कोभिड १९ संक्रमितहरुको संख्या २३ सय पुगेको स्वास्थ्य तथा जनसंख्या मन्त्रालयले जनाएको छ । जसमा पुरषहरु २१ सय ३० जना र महिला १७० जना रहेका छन् ।
हाल १ लाख ५५ हजार ८६८ जना क्वारेन्टाइनमा रहेका छन् ।
हालसम्म पीसीआर विधिबाट ८० हजार २ सय ६७ र आरडीटी विधिबाट १ लाख २० हजार ३ सय ७९ जनाको नमुना परीक्षण गरिएको छ । पछिल्लो २४ घण्टामा पीसीआर विधिबाट ४ हजार ९ सय २४ र आरडीटी विधिबाट ४ हजार ३४ जनाको नमुना परीक्षण गरिएको मन्त्रालयका प्रवक्ता डा. विकास देवकोटाले बताउनुभयो ।
ते¥ह्रथुम, ताप्लेजुङ र पाँचथरमा नयाँ संक्रमण देखिएसँगै मुलुकमा संक्रमण देखिएका जिल्लाहरुको संख्या ६४ पुगेको छ ।
हालसम्म ९ जनाको कोरोनाबाट मृत्यु भएको छ ।
