Logo
|
Tuesday 24th November 2020
NEWS PAPER

कर्णालीमा थप २२ जनामा कोरोना पुष्टि



जनस्वास्थ्य सरोकार, सुर्खेत । कर्णाली प्रदेशमा आज २२ जना कोरोना संक्रमित थपिएका छन्। संक्रमितमध्ये १६ जना दैलेख र ६ जना कालिकोटका छन्। योसँगै कर्णालीमा कोरोना संक्रमितको संख्या १ हजार ७८३ जना पुगेको छ।

सामाजिक विकास मन्त्रालयका अनुसार कालिकोटको संक्रमितमध्ये रास्कोट नगरपालिका वडा नं. २ का ४ जना र वडा नं. ८ का १ जना छन्। कर्णाली स्वास्थ्य विज्ञान प्रतिष्ठान जुम्लामा गरिएको परीक्षणले संक्रमण पुष्टि गरेको हो।

त्यस्तै दैलेखको पीसीआर प्रयोगशालामा गरिएको परीक्षणमा पुष्टि भएकामध्ये ठाँटीकाँध गाउँपालिका वडा नं. १ र ३ का २-२ जना, वडा नं. २ का ६ जना, वडा नं. ४ का १ जना र वडा नं. ६ का ५ जना छन्।

मन्त्रालयका अनुसार आजै सुर्खेतको प्रदेश अस्पतालबाट ३ जना, वीरेन्द्रनगर आइसोलेसनबाट ५ जना र कर्णाली स्वास्थ्य विज्ञान प्रतिष्ठान जुम्लाबाट ५ जना गरी कुल १३ जना डिस्चार्ज भएका छन्।

यो सँगै कर्णालीमा डिस्चार्ज हुनेको संख्या १ हजार ५४६ जना पुगेको मन्त्रालयका स्वास्थ्य सेवा महाशाखा प्रमुख डाक्टर लक्ष्मीनारायण तिवारीले जानकारी दिए।

प्रतिक्रिया दिनुहोस्