साउदी अरबबाट नेपाल फर्किएका एक जनामा मंकिपक्स पुष्टि
२०८१, ५ पुष शुक्रबार १७:४७ मा प्रकाशित
6
Shares
नेपाल हेल्थ न्युज, काठमाडौँ । नेपालमा थप एक जनामा मंकिपक्स पुष्टि भएको छ ।
हालै साउदी अरबबाट फर्किएका करिब ३५ वर्षीय युवामा मंकिपक्ससँग मिल्दोजुल्दो लक्षण देखिएपछि टेकुस्थित राष्ट्रिय जनस्वास्थ्य प्रयोगशालामा परीक्षण गर्दा उक्त परीक्षणमा मंकिपक्स संक्रमण पुष्टि भएको हो ।
हाल उनको शुक्रराज ट्रपिकल तथा सरुवा रोग अस्पतालमा उपचार भइरहेको र अवस्था सामान्य रहेको अस्पतालले बताएको छ । यसअघि २०८० साल असारमा विदेशबाट आएकी एक जना ६० वर्षीया विदेशी महिलामा मंकिपक्सको संक्रमण देखिएको थियो ।
