९ दिन देखि भेन्टिलेटरमा उपचाररत बुटवलका संक्रमितको मृत्यु
२०७७, १९ भाद्र शुक्रबार ११:०८ मा प्रकाशित
0
Shares
जनस्वास्थ्य सरोकार, काठमाडौं । रुपन्देहीमा थप एक कोभिड-१९ संक्रमितको मृत्यु भएको छ। बुटवल उपमहानगरपालिका वडा न. ८ का ७८ वर्षका पुरुषको शुक्रवार बिहान ९ः ०० बजे लुम्विनी प्रादेशिक अस्पतालमा मृत्यु भएको अस्पतालले जनाएको छ। अस्पतालमा भदौ ४ गते ज्वरो खोकी र स्वासप्रस्वासको समस्या देखिएपछि भर्ना भएका उनमा संक्रमण पुष्टि भएको हो।
मृतक संक्रमितको अस्पतालले सञ्चालन गरेको अस्थायी कोभिड अस्पतालको सघन उपचारकक्षमा राखेर उपचार भइरहेको थियो। उनलाई ९ दिन देखि भेन्टिलेटरमा उपचाररत भइरहेको थियो।
आजै बिहान बुटवलको गौतम बुद्ध सामुदायिक मुटु अस्पतालमा उपचारका क्रममा भैरहवाकी एक महिलाकोसमेत मृत्यु भएको छ। योसँगै रुपन्देहीमा मृत्यु हुनेको संख्या १३ पुगेको छ।
