मुलुकमा ६० प्रतिशतले जिते कोभिड-१९
२०७७, २० भाद्र शनिबार १६:३८ मा प्रकाशित
0
Sharesनेपाल हेल्थ न्युज, काठमाडौं । शनिबार १०४१ जनामा कोरोना भाइरस (कोभिड–१९) संक्रमण पुष्टि भएसँगै मुलुकमा संक्रमितहरुको कुल संख्या ४५ हजार २ सय ७७ पुगेको छ ।
यसैगरीएकै दिन १ हजार ५ सय ६६ जना डिस्चार्ज भएको स्वास्थ्य तथा जनसंख्या मन्त्रालयले जनाएको छ । संक्रमितमध्ये हालसम्म ६० प्रतिशत अर्थात २७ हजार १२७ ले कोरोना जितेका छन् ।
आज कोभिडबाट ९ जनाको ज्यान गएको छ । यसरी मुलुकमा कोरोनाबाट ज्यान गुमाउनेहरुको संख्या २ सय ८० पुगेको मन्त्रालयको नियमित प्रेस ब्रिफिङ मा मन्त्रालयका प्रवक्ता प्रा.डा. जागेश्वर गौतमले जानकारी गराउनुभएको छ ।
