Logo
|
Monday 19th April 2021
E-paper Magazine

भारतमा एकै दिन हालसम्मकै उच्च ९० हजार कोरोना संक्रमित थपिए



नेपाल हेल्थ न्युज, नयाँदिल्ली । भारतमा एकै दिन हालसम्मकै उच्च ९० हजार नौं सय जनामा कोरोना संक्रमण पुष्टि भएको छ । यो संगै भारतमा सङ्क्रमितको संख्या ४१ लाख १० हजार नाघेको छ । यस्तै एकै दिन एक हजार ४४ जनाको ज्यान गएसँगै भारतमा कोरोनाका कारण ज्यान गुमाउनेको संख्या ७० हजार ६ सय नाघेको वर्ल्डओेमिटरले जनाएको छ ।

भारतमा अहिलेसम्म ३१ लाख ७७ हजार सङ्क्रमित निको भएका छन् । यस्तै अमेरिकामा पछिल्लो २४ घण्टामा ४२ हजार सङ्क्रमित थपिँदा ७ सय ७ सङ्क्रमितको ज्यान गएको छ । योसँगै अमेरिकामा कुल सङ्क्रमितको संख्या ६४ लाख ३१ हजार ८ सय पुगेको छ ।

जसमध्ये १ लाख ९२ हजारको ज्यान गएको छ भने ३७ लाख ७ हजारभन्दा धेरै सङ्क्रमित उपचारपछि निको भएका छन् । ब्राजिलमा गएको २४ घण्टामा ३१ हजार नयाँ सङ्क्रमित थपिँदा ६ सय १९ जनाको ज्यान गएको छ । योसहित ब्राजिलमा कुल सङ्क्रमितको संख्या ४१ लाख २३ हजार नाघेको छ । विश्वभर भने हिजो एकै दिन २ लाख ६९ हजार कोरोनाका नयाँ सङ्क्रमित थपिएका छन् । एजेन्सी

प्रतिक्रिया दिनुहोस्