आज ३ लाख ४८ हजार डोज कोरोना खोप नेपाल भित्रिदैँ
२०७७, २३ फाल्गुन आईतवार १०:३९ मा प्रकाशित
81
Sharesजनस्वास्थ्य सरोकार, काठमाडौँ । नेपालमा आज ३ लाख ४८ हजार डोज कोरोना भाइरसविरुद्धको खोप आइपुग्ने भएको छ ।
कोभ्याक्स सुविधाअन्तर्गत नेपालले प्राप्त गर्ने खोपको मात्रा आइतबार बिहान सवा ११ बजे भारतबाट काठमाडौं आउन लागेको स्वास्थ्य तथा जनसंख्याले जनाएको छ ।
दक्षिण एसियाली क्षेत्रीय सहयोग संगठन (सार्क)मा कोभ्याक्समार्फत नेपालसँगै बंगलादेश र श्रीलंकाले पनि खोप पाउने छन् ।
कोभ्याक्स सुविधाअन्तर्गत नेपालले २० प्रतिशत नागरिकलाई पुग्ने खोप प्राप्त गर्ने स्वास्थ्य मन्त्रालयले जनाएको छ ।
अक्सफोर्ड विश्वविद्यालय र एस्ट्राजेनेकाले विकास गरेको यो खोप पनि भारतको सिरम इन्सटिच्युटले उत्पादन गरेको हो ।
