काग्रेंस नेता जोशीको स्वास्थ्य अवस्था फेरी बिग्रीयो, भेन्टिलेटरमा राखेर उपचार जारी
२०७७, २५ फाल्गुन मंगलवार १५:४९ मा प्रकाशित
150
Shares
जनस्वास्थ्य सरोकार, काठमाडौं । नेपाली काग्रेंसका नेता नवीन्द्रराज जोशीको स्वास्थ्य अवस्था पुनः बिग्रीएको छ । मस्तिष्कघात भएपछि अस्पताल भर्ना गरिएका पूर्व उद्योग मन्त्री समेत रहेका जोशिको स्वास्थ्य अवस्थामा थप समस्या भएपछि भेन्टिलेटरमा राखेर उपचार थालिएको छ ।
५७ वर्षिय जोशिलाई उच्च रक्तचापका कारण मस्तिष्कघात भएको चिकित्सकहरु बताउँछन् । शनिबारदेखि फेरि उहाँलाई भेन्टिलेटरको सपोर्टमा राख्नुपरेको उपचारमा संलग्न चिकित्सकहरुले बताएका छन् ।
गत १३ फागुनमा मस्तिष्कघात भएपछि थापाथलीस्थित नर्भिक अस्पतालमा जोशिको उपचार थालिएको हो । उहाँको स्वास्थ्यमा क्रमिक सुधार आएपछि भेन्टिलेटरबाट निकालिएको थियो । तर, शनिबार बिहान एक्कासी श्वासप्रश्वासमा समस्या भएपछि भेन्टिलेटरमा राखिएको उपचारमा संलग्न डा. राजीव झाले बताउनुभयो ।
