देशभर थपिए ५५९ संक्रमित, १३ जनाको मृत्यु
२०७७, ३० चैत्र सोमबार १७:१६ मा प्रकाशित
135
Sharesजनस्वास्थ्य सरोकार, काठमाडौँ । नेपालमा वितेको २४ घण्टामा ५५९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ४ हजार ३७८ पीसीआर परीक्षण गर्दा ४९६ र ७२७ जनाको एन्टिजेन परीक्षण गर्दा ६३ जनामा संक्रमण पुष्टि भएको हो । यो संगै नेपालका कोरोना संक्रमितको कुल संख्या २ लाख ८० हजार ५२५ जना पुगेको मन्त्रालयले जानकारी दिएको छ ।
आज १ सय ३८ जना कोरोना संक्रमणमुक्त भई घर फर्किएका छन । यो संगै नेपालम कोरोना मुक्त हुनेको सख्ंया २ लाख ७२ हजार १३५ पुगेको छ ।
देशभर सक्रिय संक्रमितको संख्या तीन हजार ३ सय ६ रहेको छ भने ८५ जना क्वारेन्टीनमा छन् । वितेको २४ घण्टामा १३ जना कोरोना संक्रमितको मृत्यु भएको छ । यो संगै नेपालमा कोरोनाबाट ज्यान गुमाउनेको संख्या तीन हजार ५३ जना पुगेको मन्त्रालयले जनाएको छ ।
