अत्यावश्यक काम बाहेक घरबाहिर निस्किए कारबाही
मास्क नलगाउनेलाई १०० रुपैयाँ जरिवाना
२०७८, २१ बैशाख मंगलवार १६:४१ मा प्रकाशित
288
Shares
जनस्वास्थ्य सरोकार, काठमाडौँ । अत्यावश्यक काम बाहेक घरबाहिर निस्कनेलाई कानूनी कारबाही गरिने भएको छ । उपत्यकाका तीन जिल्लाका प्रमुख जिल्ला अधिकारीहरुको मंगलबार बसेको बैठकले अत्यावश्यक कामबिना घरबाट बाहिर निस्कनेलाई संक्रामक रोग ऐनअनुसार कानूनी कारबाही र जरिवाना गर्ने निर्णय गरेको हो ।
विभिन्न बहानामा मनपरी हिँड्ने, मर्निङ र इभिनिङ वाकमा निस्कने प्रवृत्ति देखिएकाले यस्तो निर्णय गरिएको काठमाडौंका प्रमुख जिल्ला अधिकारी कालिप्रसाद पराजुलीले जानकारी दिनुभयो ।
उहाँका अनुसार मास्क नलगाउनेलाई १०० रुपैयाँ जरिवाना तिराइने भएको छ ।
घरबाहिर निस्कनेलाई यसअघि होल्डमा राख्ने गरिएपनि अब भने जरिवाना र कार्वाही गर्ने निर्णय समेत गरेको सीडीओ पराजुलीले जानकारी दिनुभयो । काठमाडौं उपत्यकामा बैशाख २९ गतेसम्म निषेधाज्ञा लम्बाइएको छ ।
