सांसद चौलागाईको कोरोनाबाट निधन
२०७८, २९ बैशाख बुधबार ११:१४ मा प्रकाशित
45
Shares
जनस्वास्थ्य सरोकार, काठमाडौं । नेकपा एमालेका नेता एवं बागमती प्रदेशसभा सदस्य पशुपति चौलागाईको निधन भएको छ । कोरोना संक्रमित उहाँको मंगलबार साँझ निधन भएको हो । संक्रमण भएपछि मनमोहन अस्पतालमा भर्ना भएका उहाँको उपचारका क्रममा निधन भएको हो ।
चौलागाईको पार्थिव शरीरमाथि सञ्चार तथा सूचना प्रविधिमन्त्री पार्वत गुरुङले राष्ट्रिय झण्डा ओढाएर अन्तिम श्रद्धाञ्जलि व्यक्त गर्नुभयो ।
मन्त्री गुरुङले बुधबार बिहान मनमोहन मेमोरियल अस्पतालमा पुगेर राष्ट्रिय झण्डा ओढाएर अन्तिम श्रद्धाञ्जलि व्यक्त गर्नुभएको हो ।
उहाँको पशुपति आर्यघाटको विद्युतीय शव दाहगृहबाट अन्त्येष्टि हुँदैछ ।
