बिरामी भर्ना नलिने भनाइप्रति प्रशासनको ध्यानाकर्षण
२०७८, ३० बैशाख बिहीबार १०:५८ मा प्रकाशित
312
Sharesजनस्वास्थ्य सरोकार, काठमाडौँ । जिल्ला प्रशासन कार्यालय काठमाडौंले विभिन्न अस्पतालले अक्सिजन अभावको कारण देखाउदै बिरामीहरुलाई अस्पतालमा भर्ना गर्न नसकिने भनि सूचनाहरु जारी गरिएकोप्रति ध्यानाकर्षण जनाएको छ ।
बुधबार काठमाडौँको धापासीमा रहेको ग्रान्डी अन्तरराष्ट्रिय अस्पताललगायतका अस्पतालले अक्सिजनको अभाव भएको भन्दै नयाँ बिरामी भर्ना नलिने सूचनामा बताएका थिए ।
यसै बिषयलाई लिएर जिल्ला प्रशासन कार्यालय काठमाडौंले ध्यानाकर्षण भएको जनाएको हो । प्रशासन कार्यालयले अक्सिजनको अभावलाई पूर्ती गर्नको लागि सबै पक्षबाट भइरहेको प्रयासलाई नजर अन्दाज गर्दै सार्वजनिक सूचनाका नाममा सर्वसाधारण जनतामा त्रास फैलाउने कार्यले आम नागरिकमाअसर पर्ने र यस्तो संवेदनशलि अवस्थामा सबै पक्ष जिम्मेवार भई कोरोना नियन्त्रणमा प्रभावकारी भुमिका खेल्नुपर्ने बताएको छ ।
