स्वास्थ्यमन्त्रीद्धारा संभावित कोरोनाको तेस्रो लहरको पूर्वतयारीमा जुट्न निर्देशन
मन्त्री श्रेष्ठले भन्नुभयो—‘कोभिड महामारीको तेस्रो चरणको विश्लेषण गरी तत्काल सबै उपाय अवलम्बन गर्न जरुरी
२०७८, २६ असार शनिबार २०:२३ मा प्रकाशित
जनस्वास्थ्य सरोकार, काठमाडौं । स्वास्थ्यमन्त्री कृष्णगोपाल श्रेष्ठले संभावित कोरोनाको तेस्रो लहरको गम्भीर भएर पूर्वतयारीमा जुट्न निर्देशन दिनुभएको छ । वीर अस्पतालको कोभिड युनिफाइड केन्द्रीय अस्पतालको शनिवार अवलोकन गर्ने क्रममा उहाँले सो निर्देशन दिनुभएको हो ।
आइतबार प्रधानमन्त्री केपी शर्मा ओलीद्धारा उद्घाटन हुन लागेको सो अस्पतालको पूर्वसन्ध्यामा स्वाथ्यमन्त्री श्रेष्ठ निरीक्षणका लागि अस्पताल पुग्नुभएको हो । प्रधानमन्त्री ओलीले २०७४ सालमा सो अस्पतालको शिलान्यास गर्नुभएको थियो ।
सो अवसरमा स्वाथ्य सचिव लक्ष्मण अर्याल र अस्पतालका निर्देशक डा.जागेश्वर गौतमसहितको चिकित्सक टोलीले अस्पतालको पछिल्लो अवस्थाबारे जानकारी गराउनुभएको थियो ।
मन्त्री श्रेष्ठले भन्नुभयो—‘कोभिड महामारीको तेस्रो चरणको विश्लेषण गरी तत्काल सबै उपाय अवलम्बन गर्न जरुरी छ । कुनै पनि बिरामीले दुःख नपाउन्’
