नोबेल मेडिकल कलेजले पायो मिर्गौला प्रत्यारोपण अनुमति
२०७८, ४ श्रावण सोमबार १६:२४ मा प्रकाशित
96
Shares
जनस्वास्थ्य सरोकार, विराटनगर । मोरङस्थित नोबेल मेडिकल कलेज, शिक्षण अस्पतालमा मिर्गौला प्रत्यारोपण सेवा सुरु हुने भएको छ ।
अंग प्रत्यारोपण समन्वयन समितिले अस्पताललाई मिर्गौला प्रत्यारोपणको अनुमति दिएसँगै सेवा सुरु हुने भएको हो ।
अस्पतालले मिर्गौैला प्रत्यारोपण सम्बन्धी क्रियाकलाप सञ्चालन गर्न २०७६ भदौ ९ गते अनुमति मागेको थियो ।
संस्थालाई आरम्भमा विशेषज्ञको समेत सहयोग लिई मिर्गौला प्रत्यारोपण गर्ने सर्तमा २०७८ साउन १ गते मानव शरीरको अंग प्रत्यारोपण ( नियमित तथा निषेध) ऐन, २०५५ को दफा ५ को उपदफा (१) बमोजिम अनुमतिपत्र दिइएको अंग प्रत्यारोपण समन्वयन समितिका सदस्य-सचिव डा. दिपेन्द्र रमण सिंहले जानकारी दिनुभयो ।
यो अनुमतिपत्र दुइ वर्षसम्म बहाल रहनेछ ।
