शनिबारदेखि लामो दूरीका सार्वजनिक यातायात सञ्चालनमा आउने
२०७८, ८ श्रावण शुक्रबार १६:१६ मा प्रकाशित
42
Sharesजनस्वास्थ्य सरोकार, काठमाडौँ । शनिबारदेखि लामो दूरीका सार्वजनिक यातायात पनि सञ्चालनमा आउने भएको छ ।
जिल्ला प्रशासन कार्यालय काठमाडौंले जारी निषेधाज्ञालाई थप खुकुलो बताउदै लामो दूरीका सार्वजनिक यातायात खुलाउने निर्णय गरेको हो ।
शुक्रबार आदेश जारी गर्दै काठमाडौं जिल्ला प्रशासनले लोकसेवा र विश्वविद्यालयका परिक्षार्थीको आवागमनलाई मध्यनजर गर्दै यस्तो निर्णय गरेको हो ।
लामो दूरीमा यात्रा गर्नेलाई अनिवार्य टिकट काउन्टरबाट टिकट खरिद गरेर यात्रा गर्न समेत प्रशासनले भनेको छ । साउन ४ गते बसेको मन्त्रिपरिषद् बैठकको निर्णयानुसार लामो दूरीको यातायात खुला गरिएको प्रशासनले जनाएको छ ।
