काठमाडौंमा भेरोसेल खोपको दोस्रो मात्रा भदौ ११ गतेदेखि
२०७८, ९ भाद्र बुधबार १५:५५ मा प्रकाशित
54
Sharesजनस्वास्थ्य सरोकार, काठमाडौँ । काठमाडौंमा कोभिड–१९ विरुद्धको भेरोसेल खोपको पहिलो डोज लगाएका नागरिकले भदौ ११ गतेदेखि दोस्रो डोज पाउने भएका छन् ।
पहिलो मात्रा लगाएको २१ दिन पुरा भएकालाई भदौ ११ गते १३ गतेसम्म दोस्रो मात्रा दिइने काठमाडौं महानगरपालिकाले विज्ञप्तिमार्फत जानकारी दिएको छ ।
महानगरका ३२ वडामै खोप दिइने उल्लेख छ । काठमाडौं जिल्लामा भेरोसेलको पहिलो मात्रा लगाएका २ लाख १६ हजार जनालाई दोस्रो मात्रा लगाइने भएको छ ।
भदौ ५, ६ र ७ गते सार्वजनिक विदा परेकाले ९ गते दिइने भनेको खोप कार्यतालिकाअनुसार खोप नदिएर भदौ ११ गतेदेखि दिइने व्यवस्था मिलाइएको हो ।
