पखाला जन्य रोगबाट बालबालिकालाई कसरी जोगाउने ?
२०७८, २ कार्तिक मंगलवार १७:४४ मा प्रकाशित
63
Sharesनेपालमा बालबालिकाको मृत्युको दोस्रो प्रमुख कारण झाडापखाल हो । तर समयमा नै ध्यान दियौँ भने पखालाबाट हुने अधिकांश मृत्युलाई व्यवस्थापन गरी रोक्न सकिन्छ ।
पखालाको जोखिममा बढी कस्ता बच्चाहरु पर्दछन् ?
- स्तनपान नगराई बोतलको दुध खुवाइएका
- कुपोषित
- फोहोर खाना र पानी खाने
- व्यक्तिगत सरसफाईमा ध्यान गदिने
- खोप नपाएका
लक्षणहरु
- पेट दुख्ने
- बान्ता हुने
- असाध्यै तिर्खा लाग्ने
- पातलो दिसा हुने
कस्ता चिन्ह वा लक्षण देखिएमा तुरुन्तै स्वास्थ्य संस्थामा उपचारका लागि लैजाने ?
- खान पिउन नसक्ने वा झन बिरामी भएमा
- दिसामा रगत देखा परेमा
- तारन्तार बान्ता भइरहेमा
- बच्चा ज्यादै तिर्खाएमा
- ज्वरो आएमा
- धेरै पटक पातलो दिसा गरेमा
पखाला लाग्नबाट बच्ने उपाय
- चर्पीमा मात्र दिसा पिसाव गर्ने
- बच्चाको दिसा चर्पिमा नै विसर्जन गर्ने
- दिसा पिसाव गरिसकेपछि वा बच्चाको दिसा धोएपछि साबुनपानीले मिचिमिची हात धुने
- पानी उमालेर, फिल्टर गरेर वा पियुस तथा क्लोरिन झोल निर्देशानुसार मिलाएर मात्रै पिउने
- बासी, काँचो, सडेगलेको, झिंगा भन्केको खानेकुरा नखाने
- खानेपानीको मुहान सफा र सुरक्षित राख्ने
