मुस्कुराउनुका पाँच महत्वपूर्ण फाइदा
दीर्घायु, तनाव घटाउने, बजबुत प्रतिरोधात्मक क्षमता, उच्च रक्तचाप नियन्त्रण, शारीरिक पीडाबाट छुटकारा
२०७९, २१ आश्विन शुक्रबार १७:४० मा प्रकाशित
जनस्वास्थ्य सरोकार । आज विश्व मुस्कान दिवस २०२२ ।
यस वर्ष विश्व मुस्कान दिवसको नारा ‘एक व्यक्तिलाई मुस्कुराउन मद्धत गरेर दया गर्नुहोस्’ भन्ने रहेको छ ।
विश्व मुस्कान दिवस हरेक वर्ष अक्टोबरको पहिलो शुक्रबार अर्थात् अक्टोबर ७ तारिखका दिन मनाइन्छ । यसले संसारभरका मानिसलाई मुस्कानको महत्व अवगत गराउँछ र जीवनप्रतिको दृष्टिकोण परिवर्तनमा सचेत गराउन मद्धत गर्छ । अमेरिकी कमर्शियल आर्टिस्ट हार्वे बलले मुस्कान दिवस सुरु गरेका थिए ।
मुस्कुराउनुका ५ फाइदा
दीर्घायु प्रदान गर्न सहयोगी
के तपाईलाई मुस्कानले आयु बढ्ने थाहा छ ? एक अध्ययन अनुसार, मुस्कुराउनु दीर्घजीवनसँग सम्बन्धित छ । जीवनभर खुसी र सकारात्मक रहँदा विभिन्न स्वास्थ्य समस्याहरू कम हुन्छन् जसले दीर्घायुको सुनिश्चितता प्रदान गर्छ । धेरै मुस्कुराउने मानिसको व्यक्तित्व अधिक स्थिर हुन्छ र कग्निटिभ स्तरमा सुधार हुन्छ । सरल शब्दमा भन्नुपर्दा, यो स्वस्थ जीवनशैलीसँग सम्बन्धित छ ।
तनाव घटाउने र हटाउने
तनावको असर अनुहार र हाउभाउ देखिन थाल्छ र यसले स्वास्थ्यमा असर पुर्याउनसक्छ । तर मुस्कुराइरहँदा यसबाट बच्न मद्धत गर्छ ।
तनाव र चिन्ताबाट छुटकारा पाउन मुस्कान उत्तम तरिकाहरू मध्ये एक हो किनकि यसले तपाईंलाई राम्रो र खुशी देखिन मद्दत गर्दछ । जब तपाईं मुस्कुराउनुहुन्छ, मस्तिष्कले न्यूरोपेप्टाइड्स भनिने मसिना अणुहरू उत्पदन गर्छ जसले तनावसँग लड्न मद्दत गर्दछ ।
रोग प्रतिरोधात्मक क्षमता बलियो
मुस्कानले रोग प्रतिरोधात्मक क्षमता पनि बढाउँछ जसले तपाईको समग्र स्वास्थ्यमा सुधार ल्याउँछ । जब तपाईं मुस्कुराउनुहुन्छ तपाइँको प्रतिरक्षामा सुधार हुन्छ किनभने तपाइँको मस्तिष्कले केहि न्यूरोट्रान्समिटरहरू उत्पादन गर्दछ र शान्त र आराम महसुस गर्न सकिन्छ । धेरै मुस्कुराउनुले एन्टि–बडी र अन्य एन्टि–इन्फ्लेमेटरी कोशिकाहरूको उत्पादन बढाउँछ जसले तपाईंको प्रतिरक्षालाई बलियो बनाउन र रोगहरूबाट बच्न मद्दत गर्दछ ।
उच्च रक्तचाप नियन्त्रण
उच्च रक्तचापले धेरै मुटुसम्बन्धि रोगहरुको जोखिम बढाउन सक्छ । तर तपाईं मुस्कुराउँदा उच्च रक्तचाप कम गर्न र मुटुसम्बन्धि रोगको जोखिम रोक्न मद्दत गर्छ ।
मुस्कुराउँदा शरीरमा अक्सिजन खपत बढ्छ जसले मांसपेशिहरुलाई आराम मिल्छ र मुटुको गति पनि कम हुन्छ ।
शारीरिक पीडाबाट छुटकारा मिल्ने
मुस्कानले प्राकृतिक औषधिको काम गर्छ र शारीरिक पीडा कम गर्न मद्धत गर्छ । यसले तपाईंलाई आराम महसुस गराउँछ । धेरै अध्ययनले बताएअनुसार, मुस्कुराउँदा मस्तिष्कमा रासायनिक प्रतिक्रिया हुन्छ र एन्डोर्फिन र सेरोटोनिन हर्मोन निस्कन्छ । यसले प्राकृतिक पीडा निवारकको काम गर्दछ । एन्डोर्फिनले तपाईंको मुड ठीक पार्नुका साथै शरीरलाई पनि आराम दिन्छ ।