अबदेखि वीर अस्पतालमा फोन पे क्युआरकोडबाट सहजै भुक्तानी गर्न सकिने
२०७९, १९ पुष मंगलवार १८:२७ मा प्रकाशित
66
Sharesजनस्वास्थ्य सरोकार, काठमाडौं । वीर अस्पतालमा फोन पे क्युआरकोडबाट सहजै भुक्तानी गर्न सकिने भएको छ । फोन पे र प्रभु बैंकको संयुक्त प्रयासमा सो सेवा उपलब्ध गराइएको हो । अब बिरामीले नगद नभएपनि उपचार गर्न सक्ने छन् । अस्पतालका कार्यकारी निर्देशक डा.भुपेन्द्र बहादुर वस्नेतले सो सिस्टमको शुरुवात् गर्नुभयो ।
नेपालको सबैभन्दा पुरानो सरकारी वीर अस्पतालमा डाइनामिक क्युआरकोडको सिस्टमको सुरू गरिएसँगै बिरामीका उपचारका लागि नगद बोकेर जानुपर्ने बाध्यताको अन्त्य भएको छ ।
अस्पतालमा दीर्घकालीन उपचार र चिकित्सकसँग परामर्शका लागि मोबाइल एप्लिकेशनमार्फत् अनलाइन भुक्तानी गर्ने र अस्पताललाई पेपरलेस बनाउने प्रयासमा अघि बढेको डा. बस्नेतको भनाइ छ ।
